Пілотная праграма навучання кансультантаў BELLAQUA*
Мэта праграмы: падрыхтаваць экспертаў па пытаннях забеспячэння якасці арганізацыі адукацыі дарослых, якія будуць гатовыя працаваць кансультантамі ў рамках сістэмы добраахвотнай сертыфікацыі BELLAQUA.
Падчас навучання ўдзельнікі атрымаюць веды і навыкі, неабходныя для працы кансультантамі па правядзенні ацэнкі дзейнасці правайдэраў у сферы адукацыі дарослых у Беларусі, заснаванай на добраахвотнай і незалежнай сістэме сертыфікацыі BELLAQUA і з улікам патрэбаў навучэнцаў.
Па заканчэнні навучання ўдзельнікі будуць:
- мець агульнае разуменне тэарэтычных асноў (іншыя сістэмы сертыфікацыі і іх адрозненне ад BELLAQUA) і падыходаў да ацэнкі якасці адукацыі дарослых (разуменне поля дадатковай адукацыі дарослых);
- разумець асноўныя палажэнні і стандарты BELLAQUA;
- гатовыя да практычнага выкарыстання асноўных інструментаў BELLAQUA (стандарты; форма сама-ацэнкі правайдэра; форма справаздачы / рэкамендацый кансультанта);
- ведаць асноўныя этапы сертыфікацыі ў рамках BELLAQUA;
- ведаць арганізацыйна-прававыя асновы працы кансультанта ў рамках BELLAQUA;
- валодаць навыкамі эфектыўнай камунікацыі.
Для паспяховага завяршэння курсу, навучэнцы правядуць 1 працэдуру сертыфікацыі BELLAQUA ў рамках навучання з суправаджэннем і 1 у якасці выпускной працы.
Патрабаванні да ўдзельнікаў навучання (колькасць чалавек у группе - ад 12 да 16):
- гатоўнасць і магчымасць 100%- удзелу;
- досьвед працы ў сферы дадатковай адукацыі дарослых у якасці трэнера або мэнэджэра (не менш за 3 гады);
- досвед працы ў сферы ацэнкі якасці з'яўляецца перавагай;
- вітаецца веданне англійскай і / або нямецкай моў.
Праграма навучання уключае 8 вэбінараў, 1 двухдзённы семінар і выніковую аднадзённую сесію.
Графік навучання
| Дата | Фармат | Змест |
| 23.06 18:30 | Вэбінар |
- Cтруктура і правілы навучання. - Пытанні і адказы ў кантэксце праграмы навучання. - Кароткія ўводзіны ў сістэму дадатковай адукацыі дарослых. - Тлумачэнне практычнага задання. |
| 25.06 18:30 | Вэбінар |
- Ўводзіны ў сістэму сертыфікацыі BELLAQUA. - Стандарты BELLAQUA (частка 1). |
| 30.06 18:30 |
Вэбінар |
- Этапы / алгарытмы працы кансультантаў ў рамках BELLAQUA (частка 1). - Вызначэнне навучальных пар і заданняў для практыкума |
| 2.07 18:30 | Вэбінар |
- Стандарты BELLAQUA (частка 2). |
| 7.07 18:30 |
Вэбінар |
- Інструменты BELLAQUA (формы самаацэнкі правайдэра і ацэнкі кансультанта). |
| 9.07 18:30 | Вэбінар |
- Дадатковая адукацыя дарослых: пытанні забеспячэння якасці. |
| 14.07 18:30 |
Вэбінар |
- Этапы / алгарытмы працы кансультантаў ў рамках BELLAQUA (частка 2). |
| 16.07 18:30 |
Вэбінар |
- Этапы / алгарытмы працы кансультантаў ў рамках BELLAQUA (частка 3). |
| 1-2.08 або 8-9.08 10:00-18:00 (па выбары ўдельнікаў) | Вочны семінар |
- Прадстаўленне вынікаў працы ў ходзе практыкума, зваротная сувязь, каментары. - Досьвед швейцарскай сістэмы сертыфікацыі EduQua. - Асновы эфектыўнай камунікацыі (у т.л. дзеянні ў канфліктных сітуацыях і працу з пярэчаннямі). - Арганізацыйна-прававыя аспекты працы кансультантаў ў рамках сістэмы сертыфікацыі BELLAQUA. - Этыка працы кансультантаў. - Вызначэнне заданняў для выпускной работы. |
| 20.09 | Заключная сесія | Прадстаўленне вынікаў навучання. |
Трэнеры курса:
- Васіль Пронь, бізнэс-кансультант, стваральнік і вядучы праграм трэнерскага майстэрства, дырэктар Трэнінгавага цэнтра "Квадратны апельсін",
- Сяргей Лабода, трэнер-кансультант, эксперт у галіне арганізацыйнага развіцця Прадстаўніцтва Дортмундскага міжнароднага адукацыйнага цэнтра ў Беларусі,
- Ірына Багданец, дырэктарка і экспертка Установы "Цэнтр развіцця - ХХІ стагоддзя",
- Andre Schlaefli, швейцарскі эксперт па адкацыі дарослых, стваральнік сістэмы eduQua.
Рэзюмэ прымаюцца на пошту bellaqua.info@gmail.com да 17:00 10.06.